شرح برنامج Diptrace الجزء الأول Schematics للمبتدئين

أعزائى المتابعين السلام عليكم و رحمة الله و بركاته

طبعا إحنا من وقت للتانى بننشر دوائر جاهزة 

الدوائر دى كلها معمولة ببرنامج اسمه Diptrace 

برنامج diptrace هو واحد من البرامج الاحترافيه لتصميم الدوائر و تحويلها لـ PCB 

لما بتنزل البرنامج بيظهر لك على الجهاز فولدر فيه 4 برامج منفصلين

diptrace

component editor
pattern editor
PCB layout
schematic

هنشرح منهم schematic 

و فى المره الجايه هنشرح PCB layout

بالنسبة لشخص مبتدئ فى تصميم الدوائر برنامج diptrace يعتبر واحد من البرامج السهلة جداً و اللى ممكن تفهم هو شغال ازاى فى خلال ساعه واحده فقط

و فى نفس الوقت البرنامج بيتيح ليك انك تصمم دوائر احترافيه .

يعنى معاك واجهه سهلة و تصميم احترافى فى برنامج واحد

طيب خلونا نشوف واجهة الـ Schematic

لما بتيجى تشتغل على schematic لدايرة معينه كل اللى انت محتاجه انك تدرج المكونات فى مساحة العمل و توصلها ببعضها 

هتلاقى عند على الشمال قايمة فوق و دى فيها اقسام العناصر و كمان فى اقسام لمنتجات شركات بعينها زى Atmel & ST...

هتختار القسم و هتلاقى العناصر بارقامها ظهرت فى القايمه اللى تحت خالص 

لو ضغطت بالماوس على رقم العنصر هيظهر معاك رمز العنصر و كمان الـ foot print بتاعته اللى هو شكله على pcb

فى حالة انك بتبحث عن عنصر معين و مش عارف القسم بتاعه كل اللى عليك انك تضغط على Filter off

و دى هتشغل الفلتر اللى هو زى البحث 

و تحدد من search area > all libraries 

و تكتب رقم العنصر فى ال name

بعد كده تدوس apply filter 

هيظهر لك بعدها كل العناصر اللى تتضمن الرقم اللى انت كاتبه و طبعا لو كتبته كامل هيبقى بحثك اسهل

تبدأ تدرج العناصر و توصلها فى بعضها حسب الدايرة بتاعتك 

و بعد ما دايرتك تكمل ممكن تحدد بيانات العناصر زى قيم المقاومات مثلا بإنك تضغط مرتين على العنصر 

و باقى العناصر هتعمل معاها كده لأن ده مهم أثناء تجميع الpcb

بعد ما بتخلص و بتحفظ تصميمك ممكن تحوله لPCB 

بتضغط File >Convert to pcb 

زى ما فى الصورة

و الخطوة دى هتنقلنا لـ PCB layout 

اللى هنشرحة فى المرة الجايه إن شاء الله 

تابعونا على صفحتنا

Eslam's Lab

و قناتنا على يوتيوب 

Eslam's Lab

لتحميل النسخة المجانية من البرنامج و هى نسخة متاح فيها كل الامكانيات و لكن بحدود 300 pin

من هنا: