شرح برنامج Diptrace الجزء الثانى PCB layout للمبتدئين

إتعرفنا فى الشرح اللى فات على نسخة schematics من برنامج Diptrace
شرح برنامج Diptrace الجزء الأول Schematics للمبتدئين


النهارده هنشرح جزء من PCB layout
بعد ما بتخلص الدياجرام بتاعك على schismatics بتضغط CTRL+B او تختار من القايمة انه يحول لPCB

هتضغط OK
و هتظهر معاك العناصر بنفس الترتيب اللى انت عامله فى الدياجرام

الخطوط الزرقاء اللى بين العناصر هى تراكات وهميه لحد ما تعمل Routing
لو انت مش شغال على مقاس بورده معين ممكن تبدأ ترص العناصر زى ما انت عايز و ال auto router  هيظبط مقاس البوردة لوحده

لحد هنا و كل ده سهل وواضح بالنسبة لنا
نيجى بقى لشريط الأدوات اللى معظم شغلنا هيكون من خلاله

إضغط على الصورة للتكبير

1: Route manual و دى باينه من إسمها لما تحب تضيف تراك بشكل يدوى تستخدمها
2: Edit trace تعديل المسار لتراك موجود بالفعل  على الpcb بحيث لو حابب تغير مكانه او تبعده شويه
3:Free Edit برضو بتستخدم لتعديل التراكات بس بدون الالتزام بالزوايا او نسق التصميم
4: Router setup

1. إعدادات المسارات
2.  التمبليت اللى هنشتغل منه "ممكن نسيبه على وضعه مافيش مشكله"
3. سمك التراك و دى مهمه جداً لأن سمك التراك هو اللى بيحدد شدة تحمله للتيار 
4. المسافة بين التراكات و دى برضو مهمه خصوصا لو اللوحة عليها جهد عالى لازم المسافة تبقى كافيه انها تعزل بين تراكين
5. القطر الخارجى للبادات اللى هتلحم عليها 
6. القطر الداخلى للثقب داخل الباده

 بعد ما تخلص اعداداتك تضغط ok و هتفضل الاعدادات ثابته لغاية ما تغيرها

5:بدء الـ Auto router  (نسيبها على جمب و بص على الخطوة الجاية
6: Auto router setup

1. جودة الراوتينج و طالما دوايرك صغيرة اختار BEST
2. الزوايا و دى اللى المسارات بتاخدها ممكن تختار 90 او 90&45 
3. عدد طبقات اللوحة و طبعا معظمنا بيستخدم طبقة واحدة نظراً لسهولتها فى الشغل
4. استخدام كل الطبقات للراوتينج شيل منها العلامه هيفتح لك الاختيار رقم 3
5. لو علمت الاوبشن ده و انت بتستخدم طبقتين مش هيخلى تراك يمر للطبقة التانيه من اللوحة و بالتالى هيستخدم كل طبقة لوحدها
6. سيبك منها ☺
7. السماح بمرور اسلاك قافزة ( و دى مفيده جدا لما بيكون فى تراك هيعدى فوق تراك تانى يقوم البرنامج يعمل لك خرمين فى اللوحة تلحم فيهم سلك علشان توصل التراك فى بعضه من الجمب التانى بدل ما تستخدم لوحة من طبقتين و يطلع عينك يا غلبان ☺) شوف مثال فى الصورة

   

   بص على رقم 1 و 2 و 3

8. إتجاه الاسلاك القافزة بتاعتنا ( يا بالطول يا بالعرض)

كده خلصنا و فهمنا سوا الاعدادات الاساسية للبرنامج

خلونا نعمل auto routing  و نشوف 

7: DRC و ده بيعمل مراجعه للpcb و يقول لك لو فى تراكين قريبين من بعض اكتر من المسافة اللى انت محددها مثلا و كده

8: اعدادات ال DRC و دى بيكون محطوط فيها اعدادت مسبقة أصلا و محتاجة إلمام شوية بتصميم الPcb فممكن تسيبها بالاعدادات الافتراضيه

الشكل النهائى للبورده

و لو لاحظت اثناء الراوتينج البرنامج قرر بنفسه حدود البورده باللون البنفسجى

بكده نكون خلصنا الجزء ده من الشرح و انتظرونا فى شرح جديد و ازاى تعدل مكوناتك لحد ما توصل لعملية الطباعه :)

اللى هنشرحة فى المرة الجايه إن شاء الله 

تابعونا على صفحتنا

Eslam's Lab

و قناتنا على يوتيوب 

Eslam's Lab

لتحميل النسخة المجانية من البرنامج و هى نسخة متاح فيها كل الامكانيات و لكن بحدود 300 pin

من هنا: