مبتدئ فى الالكترونيات؟! تعالى اما اقول لك #3

العقبة دايماً اللى بتقابل أى مبتدئ انه ما بيكونش عنده درايه كافيه هو محتاج إيه علشان يبدأ !

و لو بصيت على الكورسات اونلاين هتلاقى دايما قائمة العناصر مختلفه

و ده بيشتت اغلب المبتدئين فى الالكترونيات

طيب خلونا نتعرف على قائمة للمكونات الشائع استخدامها و اللى اى مبتدئ ممكن يتعامل معاها بسهوله و يكون منها اكتر من دايرة

الحساسات:

LDR

او المقاومة الضوئية و هى عبارة عن مقاومة ليها قيمة قصوى فى حالة عدم وجود ضوء و بتقل قيمتها حسب شدة الضوء

و دى يا سيدى هتبقى العنصر الأساسي في دايرة تشغيل الضوء الأوتوماتيك يعنى لما الدنيا تضلم هتشغل النور و لما تنور هتفصله لوحدها (دى الدايرة كامله مش المقاومة بس هنتعرف عليها لاحقاً )

Ntc thermistor

او المقاومة الحساسة للحرارة

و دى بقى فكرتها نفس فكرة المقاومة الضوئية

مقاومة ليها قيمة معينه لما تبقى درجة الحرارة منخفضة و قيمتها بتقل كل ما درجة الحرارة تزيد

تطبيقاتها فى الدايرة بتبقى نفس التطبيقات بتاعت المقاومة الضوئية من ناحية التركيب.

دى معلومات سريعه كده عن الحساسات اللى هنستخدمها فى الدواير اللى هنتعلمها

تعالوا بقى نشوف القايمة بتاعت الحاجات اللى هنشتريها و بعد كده هنكمل شرح المكونات اثناء تنفيذ الدوائر

الصنف	الكمية	متوسط سعر القطعه
بريد بورد 300 نقطة او اكثر	1	20
اسلاك توصيل للاستخدام على البريد بورد Jumper Wires	20	0.5
مقاومة ضوئية LDR	1	2
مقاومة حساسة للحرارة NTC	1	2
ترانزستور NPN 2N222 or BC547	10	0.25
دايود 1N4007	4	0.25
مقاومات (220ohm, 1k , 10k , 100k, 500k) 20 من كل قيمة	100	0.05
لدات الوان مختلفة		0.25
مقاومة متغيرة (5k, 100k) 1 من كل قيمة	2	2.5
مكثفات (0.1uf,0.1uf,10uf,100uf) 1 من كل قيمة	4	0.25
LM324N IC	1	3
NE555 IC	1	2
4017 IC	1	3
بطارية 9 فولت	1	12
مشبك بطارية 9 فولت	1	2
Press 2pin - Push button مفتاح	4	0.5